МИЗИ МУДАВВАР ДАР ДОНИШГОҲ: ОИЛА ВА ДУНЁИ ОИЛАДОРӢ

 13.05.2022

13-уми майи соли 2022 дар Донишгоҳи техникии Тоҷикистон ба номи академик М.С. Осимӣ мизи мудаввар дар мавзӯи "Оила ва дунёи оиладорӣ" бахшида ба Рӯзи оила баргузор гардид.

Дар чорабинӣ сардори раёсати кор бо занон ва оилаи назди мақомоти иҷроияи ҳокимияти давлатии шаҳри Душанбе - Зуҳурзода З.Ҳ., сармутахассиси бахши кор бо занони мақомоти иҷроияи ҳокимияти давлатии ноҳияи Шоҳмансур - Умарова М., намояндаи Муассисаи давлатии "Маркази худшиносии бонувон дар шаҳри Душанбе" - Каримӣ С.К., адвокат-ҳуқуқшинос аз МД "Маркази худшиносии бонувон дар шаҳри Душанбе" - Ҳасанзода М.Ҳ., равоншинос, профессори кафедраи педагогикаи Донишгоҳи миллии Тоҷикистон - Юнусова Н.М., занони донишгоҳ аз ҳисоби ҳайати профессорону устодон ва кормандони шуъбаву раёсатҳои донишгоҳ иштирок намуданд.

Мизи мудавварро муовини ректор оид ба тарбия - Аҳмадзода Б.С. оғоз намуда, ибтидо суханро ба профессори донишгоҳ - Аҳророва А.Д. дод, ки мавсуф доир ба занони муҳандис ва кору фаъолият дар коллективи мардонаи донишгоҳ сухан гуфт. Баъдан меҳмонон доир ба оилаву оиладорӣ ва маданияти оиладорӣ маърӯзаҳо намуданд.

IMG_2866 IMG_2863 IMG_2851 IMG_2878 IMG_2883 IMG_2954

Шуъбаи иттилоот ва робита бо ҷомеа.


Ба рӯйхат

Ҳамкориҳо